સિહોર નગરપાલિકા ના સેનિટેશન વિભાગ ની ઘોર બેદરકારીને લીધે પાલિકાના શહેરમાં ડોર ટુ ડોર કચરો એકઠો કરવામાં વપરાતું વાહન છેલ્લા ચાર-ચાર મહિનાથી ગુંદાળા વિસ્તાર સામે આવેલા ઇન્ડિયન પેટ્રોલ પંપ પાસેના ગેરેજ ખાતે તંત્રની જેમ જ રેઢિયાળ હાલતે એન્જીનને લગતા સામાન્ય રિપેરિંગ-કામની મામુલી રકમના ખર્ચના વાંકે ધૂળ ખાઈ રહ્યું છે. નગરપાલિકા તંત્રને ગુજરાત સરકારના શહેરી વિકાસ વિભાગે જે તે સમયે સિહોર શહેરની સુખાકારી અને સમસ્યાઓના નિરાકરણ માટે યાંત્રિક સાધનો તો આપ્યા છે પરંતુ સત્તાધીશોના યોગ્ય સંચાલન અને જાળવણીના અભાવને કારણે અવારનવાર આ વાહનો બગડી જતા હોય છે. પાલિકાના સફાઈ ઝુંબેશનું વાહન ખુદ ધૂળધાણી સંચાલન ના અભાવે સડી રહ્યું છે તંત્રના ડ્રાઈવરોની મનમાનીથી ચાલતા વાહનો વારંવાર ખોટકાઈ જતા હોવાથી પાલિકા તંત્ર દ્વારા રીપેરીંગ કરાવવામાં આળસ દાખવી રહ્યા હોવાનું અનેકવાર સામે આવ્યું છે. આ બાબતમાં નગરપાલિકાના અધિકારી-પદાધિકારી તેમજ પ્રમુખ સહિત જે તે જવાબદાર સત્તાવાહકો અજાણ છે કે શુ..? અથવા તો આ વાહનના રીપેરીંગ ખર્ચના પણ ટાઉનહોલના શૌચાલયોની જેમ કોઈ દાતાશ્રી ગોતવાના છે..? તેવી વાતોએ શહેરભરમાં જોર પકડ્યું છે.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment